Örugg ferðalög sumarið 2026

Regnbogakortið 2026 Spánn veltir Möltu úr sessi eftir áratugarsetu á tindi Regnbogakortsins Á tímum þar sem hin reglubundna alþjóðaskipan brestur og lýðræðið er undir þrýstingi, sýnir efsta sæti Spánar að pólitískt hugrekki er enn öflugasta svarið. Lestu meira í fréttatilkynningu okkar.

Katrin Hugendubel, aðstoðarframkvæmdastjóri ILGA-Europe segir að Regnbogakort ársins segir okkur tvær sögur. Annars vegar sögu um ósvikið hugrekki á Spáni, í dómssölum og meðal leiðtoga sem kjósa að standa með samfélögum sínum í stað þess að gera þau að blórabögglum. Hins vegar sögu um raunverulega og vaxandi hættu sem ekki má vanmeta. Spurningin sem hver einasta ríkisstjórn í Evrópu verður nú að svara er hvorri sögunni hún vill tilheyra.

Regnbogakortið raðar 49 Evrópulöndum í sæti á bilinu 0–100% eftir lagalegum og stjórnsýslulegum aðgerðum þeirra í málefnum hinsegin fólks (LGBTI). Kortið er unnið í tengslum við árlega úttekt okkar á stöðu mannréttinda hjá hinsegin fólki í Evrópu og Mið-Asíu, sem safnar og kynnir eigindleg gögn er sýna hvernig þessi lög og reglur hafa áhrif á stjórnmál, samfélagið og daglegt líf hinsegin fólks.

Gögnin fyrir bæði Regnbogakortið og árlegu úttektina eru yfirfarin og staðfest af meira en 250 sérfræðingum af svæðinu, þar á meðal aktívistum, lögfræðingum og sérfræðingum í stefnumótun.

Helstu niðurstöður: Spánn situr í efsta sæti listans í fyrsta skipti. Ríkisstjórnin stóð við skuldbindingar sínar sem settar voru fram í hinsegin- og translögunum árið 2023 með því að samþykkja jafnréttisáætlanir fyrir réttindi hinsegin og trans fólk, stofna sjálfstæða jafnréttisstofu og innleiða að fullu afsjúkdómsvæðingu trans fólks í heilbrigðiskerfinu.

Malta fellur niður um eitt sæti í 2. sæti listans með 88% skor. Þótt lækkunin á listanum stafi tæknilega séð af uppgöngu Spánar, endurspeglar hún einnig stöðnun Möltu og skort á áframhaldandi umbótum. Landið skortir enn heildstæðan lagaramma gegn mismunun, en hægt hefði verið að taka á því með jafnréttisfrumvarpinu sem lagt var fram árið 2019 en hefur verið fast síðan þá.

Ísland heldur 3. sæti sínu á listanum en hækkar um tvö stig, sem gefur 86% heildarskor. Ríkisstjórnin endurnýjaði jafnréttisáætlun sína og áréttaði skuldbindingu sína til lagalegra framfara. Byrjað er að innleiða sumar aðgerðir sem settar voru fram í áætluninni, svo sem fræðsluramma fyrir starfsfólk sem sjá um málefni hælisleitenda, í samstarfi við hinsegin samtök.

Þau þrjú lönd sem eru á hinum enda Regnbogakortsins eru Rússland (2%), Aserbaídsjan (2%) og Tyrkland (5%).

Rúmenía er með 19% skor og fellur um eitt sæti í það 42. og er áfram það ESB-ríki sem er með lægsta skorið, Búlgaría (20%) og Pólland (22%) fylgja fast á eftir.